D U F A N ! ! !

Waktu tanggal 14 Juli 2010, gw dan temen-temen gw janjian buat maen ke dufan. Alesan utamanyanye sih buat refresh abis ujian. O iye, btw ujian semester ini lebih banyak take home dan susah sih kalo menurut gw. Yap, balik lagi ke permasalahan dufan, pas kita udah fix kalo mau maen ke dufan, temen gw, (sebut saja si Mincoy dan atu lagi si Petong), mulai sibuk nyari kupon diskonan buat masuk Dufan. Yaaaa maklumlah, namanye juga mahasiswa yang isi kantongnye tipis, heheheh....
Akhirnye si mincoy pun dapet tiket diskonan yang kita semua nantikan. Kita semua mutusin buat pergi tanggal 14, biar ga keburu-buru juga. Kita janjian di daerah lebak bulus (sebenernye sih kalo dari rumah gw bisa naek kereta ampe kota, trus lanjut naek angkot, tapi berhubung gw takut nyasar, akhirnye gw pun ikutan yang laen).

Setelah melalui perjalanan yang melelahkan, akhirnye kite semua nyampe juga di ancol. Pas kita semua udah nyampe, ternyata masih ada satu orang lagi yang masih belom nyampe. Gile tu orang ngentengin banget dah, bukannye tepat waktu, malah kita yang disuruh nungguin die, haish, sok penting banget sih tu orang.

Akhirnye jam 12 kita baru masuk ke dufannye, wahana yang pertama kita naekin ntu kora-kora, sumpah dari semua wahana yang gw naekin, kora-kora ntu paling gokil, hahahaha. Tapi sayangnye, pas naek kora-kora rombongan kita terpecah menjadi dua karena kurang beruntung di antrean. Pas giliran gw naek, gw dapet tempat pas banget di tengah-tengah, di deretan paling pinggir. Sebelah gw temen-temen gw (sebut saja mereka Capung dan Lintong).

Pas baru ayunan pertama, si lintong udah pucet banget (kalo ga salah die mulai pucetnye pas masih di antean dah). Pas makin lama makin cepet ayunannye, buset dah, pade tereaknye kenceng amat. Tangan gw udah dipegangin ama si capung, udeh pegangannye kenceng banget. Alhasil, selama sekitar sepuluh menitan gw ngakak aje di kora-kora ngeliat kedua kelakuan temen gw.... (-,-). mungkin kalo gw naek tu wahana sendirian, gw bakalan sutris juga kali ya...

Ada sekitar 10 wahana yang kita naekin, termasuk wahana air arung jeram sama niagaragara. Anehnye, waktu gw naek kedua wahana tersebut, gw ga begitu kebasahan dah, apelagi pas niagaragara, gw hampir dibilang ga basah sama sekali. Ampe temen-temen gw, salah satunye si mincoy.

mincoy: "Nek, kok lo ga basah sih????"

gw: "au dah, gw aja bingung"

mincoy: "ih, masa sih lo ga basah, gw aje lepek banget...."

gw: "oooo, kalo gitu tergantung amal perbuatan kali..." (ga nyambung sumpah!!!!)

Yasudah, singkat cerita, pas sore-sore, temen-temen gw pada penasaran sama wahana baru histeria, sementara gw, lintong ama capung ga ikutan. Gw diajakin si lintong buat naek wahana istabon. Sumpah ye, tuh wahana menurut gw wahana paling serem yang pernah gw coba. Gileeee, gw kirain bonekannye sejenis boneka berbi gitu. Ternyataaaaa, bonekanye mirip chucky semua!!!! (baca: caki si boneka pembunuh). Udeh gitu perahu yang gw ame si lintong taekin, jumlah penumpangnye cuman berempat, dua orang yang lagi pacaran di tempat depan (sumpah gw ngakan abis ngeliatin kelakuan tuh orang berdua, abisan dari pas masuk terowongan ampe keluar lagi kerjannye poto-poto mulu, emang keliatan ape? perasaan rada remang-remang gitu di dalem). Dam penumpang yang dua lagi yaaa siape lagi kalo bukan gw dan si lintong. Si lintong keliatannye demen amat ama istabon, sedangkan gw udah berdoa dan berharap kapan gw keluar dari terowongan caki ini.... Gw udah ga betah banget di dalem terowongan caki, buset dah, apalagi udah sore gitu trus yang naek cuman dikit, ditambah yang perahunye jalannye kaya siput stroke... (T__T)

Akhirnyah, gw keluar juga dari terowongan si caki, abis itu kita semua naek wahana terakhir sebelom kita balik, komedi putar (enakan nyebut kuda-kudaan dah). Ntu salah satu wahana yang palig gw demen, ga tau juga alesannye kenapa...

Pas baru naek transjakarta, gw di sms sama si goyu (ade gw) kalo oma (baca: nenek, biar keren dikit) telepon ke rumah trus nanyain kenape gw ga nyampe-nyampe rumah nenek gw (rencananye emang gw mau nginep, soalnye rumah oma emang lebih deket dari ancol. Oiye, gw lupa kalo oma ama sepupu gw ga punya nomor hape gw (cucu macam apa ya sampe2 neneknye ga tau nomornye... -,-...)

Dengan mengumpulkan segenap tenaga, gw nelpon ke nomor rumah oma gw, kebetulan die yang ngangkat. Ini dia percakapan antara gw dan oma:

oma: "halooooo"

gw: "halo, mak!!!" (temen-temen gw satu bis pade ketawa)

oma: "aniiii, udah nyampe mane?" (dengan agak sedikit tereak)

gw: "gunung sahari mak...."

oma: "MATAHARI????" (dengan suara lebih kenceng) (satu bis ngakak)

gw: "gunung sahari makkkkk..."

oma: "nih ngomong ama si godis aje..."

Akhirnye sukses sudah gw laporan ama oma.... Yap hari itu merupakan hari yang menyenangkan buat gw, saran buat temen-temen yang laen. "Rajin-rajin nabung yuk, supaya bisa jalan rame-rame lagi.... :)"